НҮБ амиа алдсан ажилчдынхаа гэр бүлд эмгэнэл илэрхийллээ

2019/03/12 13 0
НҮБ амиа алдсан ажилчдынхаа гэр бүлд эмгэнэл илэрхийллээ
Этиопын иргэний агаарын тээврийн "Ethiopian Airlines” компанийн "Boeing 737 Max 8” онгоц осолдож, 157 хүн хорвоогийн мөнх бусыг үзүүлээд байна. Тус онгоц Аддис Абеба хотын нисэх буудлаас хөөрөөд зургаахан минутын дараа осолдсон юм. Онгоцонд 35 улсын зорчигчид зорчиж явсан гэнэ. 
Тэгвэл амиа алдагсдын дунд НҮБ-ын 22 ажилтан бий гэж НҮБ-ын ерөнхий нарийн бичгийн дарга Антонио Гутеррес мэдэгдэж, амиа алдагсдын гэр бүлд гүнээ эмгэнэл илэрхийллээ. 
Ослоор НҮБ-ын Дэлхийн хүнсний хөтөлбөрийн долоон ажилтан, Дүрвэгсдийн асуудал эрхэлсэн дээд комиссарын газрын хоёр ажилтан, НҮБ-ын Найроби дахь суурин төлөөлөгчийн газрын зургаан ажилтан, НҮБ-ын Хүнс хөдөө аж ахуйн байгууллага, Судан дахь Цагаачлалын олон улсын байгууллага, Сомали дахь Дэлхийн банк болон НҮБ-ын тусламжийн байгууллагын тус бүр нэг ажилтан амиа алджээ. 
Уг үйл явдалтай холбогдуулан олон улсын хүмүүнлэгийн Улаан хавирган сар, Улаан загалмай нийгэмлэгийн ажилчид ослын газарт ажиллаж, аврагчдад дэмжлэг үзүүлж эхэлсэн гэнэ. 
Ослын шалтгааныг тогтоохоор АНУ тэргүүтэй олон улсын шинжээчид ажиллаж байна. Аврагчид онгоцны хар хайрцгийг олоод юм. 
скачать dle 12.0

Санал болгох

Сэтгэгдэл

Нэр:*
Сэтгэгдэл:
Код: *
reload, if the code cannot be seen