Этиоп, Индонезид гарсан нисэх онгоцны осолд ижил төстэй тал ажиглагджээ

2019/03/18 30 0
Этиоп, Индонезид гарсан нисэх онгоцны осолд ижил төстэй тал ажиглагджээ
Агаарын тээврийн "Ethiopian Airlines” компанийн осолдсон онгоцны хар хайрцгийн мэдээллийг үзэхэд өнгөрсөн онд Индонезид гарсан осолтой ижил төстэй тал ажиглагдсан байна. Энэ тухай Этиопын Зам тээврийн сайд Дагмавит Могес мэдээлэв.Д.Могес өнгөрсөн ням гарагт "AFP” агентлагт ярилцлага өгөхдөө, хар хайрцгаас олдсон мэдээлэл нь мөрдөн шалгах ажиллагааны нэмэлт судлагдахуун болно гэжээ.
Францын агаарын тээврийн аюулгүй байдлын "BEA” агентлаг хар хайрцаг болон дуу хураагууруудын мэдээллийг Этиопын талд хүлээлгэн өгсөн тухай мэдээлсний дараа дээрх мэдэгдэл гарсан байна. Тус агентлаг нь Этиопын Засгийн газрын хүсэлтээр онгоцны мэдээллийг сэргээсэн юм.
Энэ сарын 10-нд Этиопын нийслэл Аддис Абеба хотод "Boeing 737 Max 8” онгоц осолдсоны улмаас 157 хүн амиа алдсан билээ. Үүнээс гадна өнгөрсөн оны 10 дугаар сард Индонезийн агаарын тээврийн "Lion Air” компанийн дээрхтэй ижил загварын онгоц Явагийн тэнгист осолдож, 189 хүн амиа алдсан юм.
Өнгөрсөн ням гарагт "Boeing” компанийн гүйцэтгэх захирал Денис Муйленбургийн мэдэгдсэнээр, тус компани нь мөрдөн шалгах ажиллагаанд туслалцаа үзүүлж, шинэ мэдээллийг илрүүлэхийн тулд холбогдох албаны хүмүүстэй хамтран ажиллаж байгаа ажээ. Түүнчлэн АНУ-ын Үндэсний тээврийн аюулгүй байдлын газраас Этиопын мөрдөн байцаагчдад текникийн туслалцаа үзүүлсээр байгаа аж.
скачать dle 12.0

Санал болгох

Сэтгэгдэл

Нэр:*
Сэтгэгдэл:
Код: *
reload, if the code cannot be seen