Монголчууд эмээдээ зориулах дуутай боллоо

2019/02/20 13 0

Нийтийн дууны ертөнцөд өөрийн гэсэн өнгө төрхийг хэдийнээ бий болгоод байгаа дуучин  СТА П.Идэржавхлан шинэхэн уран бүтээлээ өлгийдөн авчээ.Олон гайхалтай дуугаараа олны хайр хүндлэлийг хүлээсэн тэрээр энэ удаад Монголын мянга мянган эмээ нартаа зориулан "Эмээдээ” гэх уран бүтээлээр сонсогч түмнийхээ сонорыг мялааж байна.
СТА П.Идэржавхлангийн "Эмээдээ” уран бүтээлийн аяыг МУУГЗ Б.Бямбабаяр уянгалуулсан бол шүлгийг СТА А.Ихбаяр туурвин "DUAL ZET” продакшнтай хамтран клипны зураг авалтыг хийжээ.
Өдгөө нийтийн дуу сонирхогчдын сонсох дуртай олон сайхан дуу байдаг ч гагцхүү эмээдээ зориулсан дуу л үгүйлэгдэж байсан нь лавтай. Эмээ хэмээх эрхэм хүн хүний амьдралын бүх л үед өмөг түшиг, нөмөр нөөлөг гагцхүү хамгийн агуу хайр энэрэл нь байдаг.
Тиймээс СТА П.Идэржавхлангийн шинэ уран бүтээл болох "Эмээдээ” дуу нь олон хүний хүсэн хүлээсэн дуулах, сонсох дуртай дуу болох нь дамжиггүй биз ээ. Ингээд Монгол түмэн минь эмээдээ дуулах аялгуу сайхан дуутай боллоо.
Дашрамд дурдхад дуучин П.Идэржавхлан өнгөрсөн онд гэр бүлийн хүн болох жүжигчин Ононтой хамтран "Чи бидэн хоёр” хэмээх гайхалтай уран бүтээлийг шинэчлэн найруулж дуулсан нь мөн л олны сайшаалыг хүртсэн билээ.
Ийнхүү гаргасан дуу болгондоо сэтгэлээ шингээж, тэр хэмжээгээрээ дуунд дуртай дуучин ард түмнийхээ хайртай хүү нь болсон авьяаслаг дуучиндаа уран бүтээлийн өндөр амжилт хүсье!

скачать dle 12.0

Санал болгох

Сэтгэгдэл

Нэр:*
Сэтгэгдэл:
Код: *
reload, if the code cannot be seen